ගල්ඔය ගංදිය පෙරඹර පොළොව සරු කරමින් සියවසකට ආසන්න කාලයක් කළ මෙහෙවරට ණයගැති තෙවැනි පරපුරෙන් බිහි වූ සුපසන් සිව්වෙනි පරපුර විසල් ලොව අරුණයට පායන පහන් තාරකාවක් බඳුය.
මේ මිටියාවතේ බබළන මිණිකැට ලොව වර්ණ ගන්වන්නේ නම් අප ලබන මහත් ආස්වාදයයි. අතීත මුතුන්මිත්තන් අස්වැද්දූ කෙතට කමතට අලුත් අර්ථකථනයක් තනන දරුවන් ලොවට අවැසි ය. නව චින්තනයකින් හෙබි දරුවන්ට මේ අඩසියවසක් සපිරෙන ගාමිණී ජාතික පාසල් පරිශ්‍රය තෝතැන්නක් වනු දැකීම අරමුණු කරගත් ගමනකට අඩිතාලමක් දමනු වස් මාහැඟි කර්තව්‍යයක් කරගෙන සිටිමි .
විසල් ලොව තනන වියතුන්, බුද්ධිමතුන්, නිර්මාපකයින්, මානව හිතවාදී ,සංවේදී පරපුරක් අදින් ඇරඹෙන හෙට ලෝකයට දායාද කිරීමට සමත් ශිල්ප ශාලිකාවක් අධ්‍යාපන නිර්ණායක හා පවත්නා ආයතනික රීතීන් හා සම්ප්‍රදායන් කැටිකොට ගනිමින් අතිවිශිෂ්ට මෙහෙවරකින් මෙම විද්‍යාලය ආදි විද්‍යාර්ථීන්ගේත් සුභපතන්නන්ගේත් දෙමාපිය හා දරුවන්ගේත් නෙතට උලෙළක් වනු ඇත.